මැතිවරණ ජන මත සමීක්ෂණ කල් ඉකුත් වෙලා !
මේ දිනවල ප්‍රකාශයට පත්වන ජනමත සමීක්ෂණ බොහොමයක් මැතිවරණ ආරම්භවීමට පෙර කළ සමීක්ෂණ බවත් , මේ වන විට තත්ත්වය බොහෝ වෙනස් වී ඇති බවත් , දේශපාලන නිරීක්ෂකයින්ගේ මතය වී තිබේ .
ප්‍රවෘත්ති වාර්තා මගින් දැන් ප්‍රකාශයට පත්වන සමීක්ෂණ සිදුකොට ඇත්තේ ජුලි මාසයේ දී වන අතර ඒ වන විට ජනාධිපතිවරණයේ ඇතැම් අපේක්ෂකයින් තරග බිමට පැමිණ සිටියේ නැත . ජනාධිපති රනිල් වික්‍රමසිංහ මහතා තම අපේක්ෂකත්වය ප්රකාශ කොට නොතිබූ අතර ශ්‍රී ලංකා පොදුජන පෙරමුණ තරග කිරීම ගැන කිසිදු තීරණයක් ගෙන නොතිබිණි . ඒ වන විට ප්‍රචාරක ව්‍යාපාර ආරම්භ කොට තිබුණේ අනුර කුමාර දිසානායක , සජිත් ප්‍රේමදාස සහ දිලිත් ජයවීර වැනි අප්ව්ක්ෂ්කයින් කිහිප දෙනෙකු පමණී .
කෙසේ වෙතත් , මේ වන විට ජනාධිපතිවරණ ප්‍රචාරක ව්‍යාපාර ආරම්භ වී ඇති අතර තත්ත්වය දිනපතා වෙනස් වෙමින් පවතින බව නිරීක්ෂකයින්ගේ මතය වී තිබේ .
එබැවින් බොහෝ නිරීක්ෂකයින් කියන්නේ ජුලි මාසයේ හෝ අගෝස්තු මාසයේ කළ සමීක්ෂණ වල තොරතුරු මේ වන විට යල් පැන ගොස් ඇති බව යි .
