2024 පළමු මාස හයේ ශ්‍රී ලංකාවේ විදේශ ප්‍රේෂණ ඩොලර් බිලියන 3.1 ක් ඉක්මවා සියයට 11.4 ක වර්ධනයක්
පසුගිය වසරේ එම කාලයට සාපේක්ෂව 2024 පළමු මාස හය තුළ නිල මාර්ග හරහා ශ්‍රී ලංකාවට ලැබෙන ප්‍රේෂණ ඩොලර් බිලියන 3.14 දක්වා සියයට 11.4 කින් ඉහළ ගොස් ඇති අතර, විදේශ ගත වුවන් නිල බැංකු ක්‍රමය වැඩි වැඩියෙන් භාවිතා කිරීම ඒ සඳහා හේතුවක් වී තිබේ.
ජුනි මාසයේ ප්‍රේෂණ ඩොලර් මිලියන 519.6 ක් වූ අතර එය පසුගිය වසරේ එම මාසයට වඩා සියයට 9.2 කින් ඉහළ ගොස් ඇති බව නිල දත්ත පෙන්වා දෙයි.
මහ බැංකුව සමාන්තර විනිමය අනුපාත ක්‍රමයක් අත්හැරීමෙන් පසු ප්‍රේෂණ අඛණ්ඩව ඉහළ ගොස් ඇති අතර, විදේශගත බොහෝ දෙනෙකුට අවිධිමත් උණ්ඩියල් සහ හවාලා මුදල් හුවමාරු ක්‍රම වෙනස් කිරීමට බල කෙරුනි.
සමාන්තර විනිමය අනුපාතිකය ඉවත් කිරීම මගින් වසරකට පෙර ඩොලර් බිලියන 3.8 සිට 2023 දී විධිමත් බැංකු මාර්ග හරහා එන ප්‍රේෂණ ඩොලර් බිලියන 5.97 දක්වා සියයට 57 කින් ඉහළ යාමක් දක්නට ලැබිණි.
2022 දී රට බංකොලොත් බව ප්‍රකාශයට පත් කළ දා සිට ඉහළ විදේශ විනිමය ගෙන ඒම සඳහා වැඩි සංක්‍රමණික ශ්‍රමිකයන් යැවීමේ ක්‍රියාවලිය දිරිගැන්වීමක් ද සිදු වී තිබේ..
ආර්ථික මැදිහත්වීම් සහ ප්‍රතිපත්ති පොලී අනුපාත අඩු කිරීමට මුදල් මුද්‍රණය නිසා විධිමත් බැංකු ක්‍රමයට පිටින් ඇති වූ සමාන්තර විනිමය අනුපාත නිසා 2021 දී නිල බැංකු කරණයේ මිලට විදේශ ප්‍රේෂණ ලබාගත නොහැකි වී ය.
පෙර නොවූ විරූ ආර්ථික අර්බුදයකින් තවමත් යථා තත්ත්වයට පත්වෙමින් සිටින දිවයිනේ රාජ්‍යයට විදේශ විනිමය උපයන ප්‍රධානතම මාර්ගයක් වන්නේ ශ්‍රමිකයන්ගේ ප්‍රේෂණයි.
2022 අප්‍රේල් මාසයේ සිට, පොලී අනුපාත පෙර නොවූ විරූ මට්ටම්වලින් ඉහළ නැංවීම ණය මන්දගාමී වීමට සහ පොලී අනුපාත අඩු කිරීමට මුදල් මුද්‍රණය කිරීමේ අවශ්‍යතාවය අඩු වීමට හේතු විය.
ECONOMYNEXT
