රනිල් ජනපති සටනට තීන්දුයි
ඉදිරි ජනාධිපතිවරණය සඳහා ජාතික නායකයා ලෙස ජනාධිපති රනිල් වික්‍රමසිංහ මහතා ඉදිරිපත් කිරීමට එක්සත් ජාතික පක්ෂ කළමනාකාර මණ්ඩලය අද තීන්දු කළේ ය.
එමෙන් ම සැප්තැම්බර් මාසයේ ජනාධිපතිවරණය පවත්වා ලබන ජනවාරි මාසයේ මහ මැතිවරණය පැවැත්විය යුතු බවට ද එහි දී තීරණය වී ඇත.
එජාප කළමනාකාර මණ්ඩලය පක්ෂ නායක ජනාධිපති රනිල් වික්‍රමසිංහ මහතාගේ ප්‍රධානත්වයෙන් රැස් වී ය. නියෝජ්‍ය නායක රුවන් විජේවර්ධන , සභාපති වජිර අබේවර්ධන ඇතුළු සෙසු නායකයෝ රැස්වීමට සහභාගී වී සිටියෝ ය.