ශ්‍රීලනිපයේ ශාන් විජයලාල් සජබයට එක්වෙයි
ශ්‍රී ලංකා නිදහස් පක්ෂයේ ප්‍රබලයකුව සිටි සහ දකුණු පළාතේ හිටපු මහ ඇමතිවරයා ලෙස කටයුතු කළ, පාර්ලිමේන්තු මන්ත්‍රී ශාන් විජයලාල් ද සිල්වා මහතා සමගි ජන බලවේගය සමග එක්වී ඇති බව වාර්තා වෙයි..
ඒ මහතා අද (01) විපක්ෂ නායක සජිත් ප්‍රේමදාස මහතා හමුවී සමගි ජන බලවේගය හා එක්ව ඇත.
සජිත් ප්‍රේමදාස මහතා විසින් ශාන් විජයලාල් ද සිල්වා මහතාව අද සිට අම්බලන්ගොඩ ප්‍රධාන සංවිධායකවරයා ලෙස ද පත් කර තිබේ.
පසුගිය මහ මැතිවරණයේ දී ශ්‍රී ලංකා පොදුජන පෙරමුණ නියෝජනය කරමින් ඔහු පාර්ලිමේන්තුවට තේරී පත්විය.
ශාන් විජයලාල් ද සිල්වා මහතා ශ්‍රී ලංකා නිදහස් පක්ෂයේ සිට ප්‍රබල සාමාජිකයෙකි.