මෙරට දේශීය ණය ප්‍රතිව්‍යුහගත කිරීමේ දී බැංකු ක්‍රමය අස්ථාවර නොවිය යුතු බව ජාත්‍යන්තර මුල්‍ය අරමුදලේ සහ ලෝක බැංකුවේ ස්ථාවරය වී ඇති බවත්, එහෙයින් බැංකු අස්ථාවර වනු ඇතැයි බියක් ඇතිකර නොගත යුතු බවත් වරලත් ගණකාධිකාරී සුජීව මුදලිගේ මහතා ප්‍රකාශ කරයි. මෙහි දී බැංකු තැන්පතුකරුවන්ගේ තැන්පතු කැපීමක් කිසිසේත් සිදු නවන බවත්, ලාබ අඩුවීමක් වුවහොත් එය බලපාන්නේ…

    මෙරට උද්ධමනය ඉදිරි කාලයේ බිංදුව ආසන්නයට පහළ බහිනු ඇති බව ශ්‍රී ලංකා මහ බැංකුව කියයි. ඉදිරි කෙටි කලක් සඳහා එම තත්ත්වය පවතිනු ඇති බවත්, ඉන්පසු උද්ධමනය මැද තනි ඉලක්කයක ස්ථාවර වනු ඇති බවත්, මහ බැංකුව පුරෝකථනය කර තිබේ.

අපරටේ උද්ධමනය වෙනුවට පසුගිය මාස කිහිපයේ පෙන්නුම් කළ අවදමන තත්ත්වය සැප්තැම්බර් මාසයේදී තවත් පහළට ගොස් ඍන දශම තුනක් වූ බව ශ්‍රී ලංකා මහ බැංකුව කියයි. අගෝස්තු මාසයේ එය ඍන දශම දෙකක් වූ අතර ජුලි මාසයේ ඍන දේශම එකක් ලෙස  වාර්තා වී තිබිණි .

    රජයේ මුල්‍ය තත්ත්වය ශක්තිමත් වී ඇති බැවින් ආහාර මත බදු, විදුලි ගාස්තු, ඉන්ධන මිල ලබන මාසයේ සිට අඩු කරන බව ජනාධිපති රනිල් වික්‍රමසිංහ මහතා කැබිනට් මණ්ඩලයට ප්‍රකාශ කොට ඇත. රුපියලේ අගය ඩොලරයට රුපියල් 280 – 300 මට්ටමේ පවත්වාගෙන යාමට අපේක්ෂා කරන බවත්, එවිට බදු මිල තවත් අඩුවනු ඇති බවත්, ජනාධිපතිතුමා පවසා තිබේ.

  ඉතිහාසය පුරාවට රටවල් විවිධාකාර අර්බුද වලට මුහුණපා තිබේ. එහෙත් ඉදිරි දශක ගණනාවක් පුරාවට ප්‍රතිවිපාක වලට මුහුණදීමට මඟපාදන තරම් දරුණු මට්ටමේ ව්‍යසන ඇත්තේ ස්වල්පයකි. 20 වැනි සියවසේ ශ්‍රී ලාංකාවේ ඉතිහාසය දෙස බැලීමේදී එවැනි අර්බුද දෙකක් කැපී පෙනෙයි – එනම් 1929 දී ඇතිවූ ගෝලීය මහා ආර්ථික අවපාතය නිසා  ලංකාවට මුහුණපෑමට සිදුවූ අර්බුදය හා 1970-77 කාලයේදී අත්විඳි…

සමෘද්ධි ක්‍රියාවලිය කියන්නෙම ඉතා විකෘති දිළිඳු සහනාධාර ක්‍රමවේදයක්.  මූලිකම ගැටලුව සමෘද්ධිය නඩත්තු කිරීම සඳහා දිළිඳු සහනාධාර වෙනුවෙන් වෙන්කරන මුදලින් හතරෙන් පංගුවක් විතර වැය වෙනවා.   ඊළඟට, සමෘද්ධිය ඉතාම දේශපාලනීකරණය වුණ වැඩසටහනක්. සමෘද්ධිය සම්බන්ධ නිලධාරීන් අතරින් අති විශාල පිරිසක් දේශපාලනික පත්වීම් ලබපු අය. ඔවුන් කාලාන්තරයක් තිස්සේම රජයේ රැකියාව හා රාජ්‍ය සම්පත් දේශපාලනය වෙනුවෙන් අවභාවිතා කිරීම පුරුද්දක්…