බදු ආදායම මදි ! – IMF දෙවැනි වාරිකය පමාවන ලකුණු
ශ්රී ලංකාවල ලබාදෙන ණය මුඩ්ස්ලේ දෙවන වාරිකය ලබාදීම සදහා බදු ආදායම තවත් ඉහළ නංවා ගැනීමේ සහ මෙරට විදේශ ණය ප්රතිව්යුහගත කිරීමේ සැලසුම් අවශ්ය බව ජාත්යන්තර මුල්ය අරමුදලේ නියෝජිතයෝ අද ප්රකාශ කළහ.
එහිදී අදහස් දැක්වූ එම නියෝජිත කණ්ඩායමේ ප්රධානියා වන පීටර් බ්රූවර් පැවසුවේ මෙරට ආර්ථිකයේ යම් යම් සුබදායි ලක්ෂණ පෙන්වුද තවත් අංශ වල වෙනස් කම් සිදුවිය යුතු බවයි.
විශේෂයෙන්ම බදු එකතු කිරීමේ ක්රමවේදයේ ඇති ගැටලු සම්බන්ධයෙන් එම නියෝජිතයින් විවිධ කාරණා පෙන්වා දුන්හ.
“නුදුරේදීම මාණ්ඩලික මට්ටමේ එකඟතාවයකට පිවිසීම සඳහා පළමු සමාලෝචනය යටතේ කණ්ඩායම තවදුරටත් සාකච්ඡා පවත්වනවා. ඒ සමගම අපි කැමතියි මේ දුෂ්කර අවස්ථාවේ ශ්රී ලංකාවට උදව් කරන්න. පළමු සමාලෝචනයේ මාණ්ඩලික මට්ටමේ එකඟතාවයට පිවිසීමට අපිට තව කාලය ටිකක් අවශ්යයි…”
ඒ අනුව ශ්රී ලංකාවට ජාත්යන්තර මූල්ය අරමුදල මගින් එකඟ වී ඇති ඩොලර් බිලියන 2.9ක ණය මුදලේ දෙවැනි කොටස නිදහස් කිරීම පමා වෙතැයි අනුමාන කෙරේ.
ඒ සම්බන්ධයෙන් අදහස් දැක්වූ බ්රූවර් පැවසුවේ ඒ සඳහා නියමිත කාල පරාසයක් නොමැති බවයි.