ගිනි අවි බොරු චෝදනා නඩුවෙන් ශානි ඇතුළු පිරිස නිදොස් කොට නිදහස්
ගම්පහ, කලගෙඩිහේන ප්රදේශයේ පිහිටි නිවසක පිටුපස තිබූ දර මඩුවක ටී 56 වර්ගයේ ගිනි අවි සහ ක්ලේමෝ බෝම්බයක් ඇතුළු ආයුද සහ පුපුරණ ද්රව්ය සගවා තබා එම අවි සහ පුපුරණ ද්රව්ය හිටපු නියෝජ්ය පොලිස්පති වාස් ගුණවර්ධන මහතා ඇතුළු සැකකරුවන්ට අයත් යැයි කියමින් කොළඹ ප්රධාන මහේස්ත්රාත් අධිකරණයේ නඩුවකට බොරු සාක්ෂි නිර්මාණය කළැයි චෝදනා කොට නඩු පවරනු ලැබ සිටි අපරාධ පරීක්ෂණ දෙපාර්තමේන්තුවේ හිටපු අධ්යක්ෂක ශානි අබේසේකර මහතා ඇතුළු සැකකරුවන් සිව්දෙනා ගම්පහ මහේස්ත්රාත් ශිලනි චතුරන්ති පෙරේරා මහත්මිය එම චෝදනාවලින් නිදොස් කොට නිදහස් කළාය.
ගම්පහ මහේස්ත්රාත් අධිකරණය හමුවට ලැබි ඇති නීතිපති උපදෙස් මත අපරාධ පරීක්ෂණ දෙපාර්තමේන්තුවේ හිටපු අධ්යක්ෂක හිටපු ජ්යෙෂ්ඨ පොලිස් අධිකාරි ශානි අබේසේකර, උප පොලිස් පරීක්ෂක සුගත් මෝහන මෙන්ඩිස්, විශ්රාමික උප පොලිස් පරීක්ෂක නවරත්න ප්රේමතිලක සහ විදේශගතව සිටින හිටපු පොලිස් පරීක්ෂක ඒඩ්ර්යන් නිශාන්ත සිල්වා යන සැකකරුවන් සිව් දෙනා මෙසේ නීතිපති උපදෙස් මත එම නඩුවෙන් නිදහස් කෙරුණි.
පසුගිය යහපාලන රජය සමයේ වැදගත් අපරාධ පරීක්ෂණ රාශියක් මෙහෙය වූ ශනි අබේසේකර මහතා පසුගිය සමයේ මෙම චෝදනාවන්ට ලක්කොට නඩු පවරා තිබිණි.