කෝටිපති ව්යාපාරිකයාගේ සිරුර හමුවෙයි
එම මළ සිරුර ඒ මහතාගේ බවට පවුලේ ඥාතීන් විසින් හඳුනාගත් බව ජ්යෙෂ්ඨ පොලිස් නිලධාරියෙක් දිනමිණ ට පැවැසීය. ඊයේ (24) රාත්රී 7.00ට පමණ මාවනැල්ල, බඹරකන්ද ප්රදේශයේ හඳුනාගත නොහැකි මළසිරුරක් තිබෙන බවට මාවනැල්ල පොලිසියට තොරතුරු ලැබී තිබිණි.
මාවනැල්ල පොලිසිය ඒ සම්බන්ධයෙන් වහාම පොලිස්පති පුජිත් ජයසුන්දර මහතා දැනුවත් කර එම ස්ථානයට ගොස් තිබේ. ඒ අතර එම මළසිරුර ඉහත කෝටිපති ව්යාපාරිකයාගේ දැයි හඳුනා ගැනීම සඳහා කොළඹ අපරාධ කොට්ඨාසයේ නිලධාරින් පිරිසක් සමඟ ඒ මහතාගේ ඥාතීන් මාවනැල්ල බලා වහාම පිටත්ව ගොස් තිබිණි.
රාත්රී 10.00 ට පමණ මෙම ස්ථානය වෙත ගිය පොලිසිය සහ ඥාතීන් මළසිරුර පරීක්ෂා කර බලා එය මොහොමඩ් සායිඩ් මහතාගේ බව හඳුනාගෙන තිබිණි. මළසිරුර මාවනැල්ල රෝහල වෙත ගෙන යාමට ද ඊයේ රාත්රියේම පොලිසිය පියවර ගත්තේය.
දේශීය වශයෙන් සහ ජාත්යන්තර වශයෙන් ඇඟලුම් නිෂ්පාදනයේ ඉහළම තැනක සිටි එම ව්යාපාරිකයා සම්බන්ධ වූ මූල්ය ගනුදෙනු විශාල ප්රමාණයක් තිබුණ ද මෙම ඝාතනය එවැන්නක් මත නොව වෙනත් වෛරයක්, පළිගැනීමක් මත සිදුකර ඇතැයි පොලිසිය සැකකරයි.
මෙම අපරාධය සිදුකළ ඝාතකයන් කොටුකර ගැනීම සඳහා පොලිස් කණ්ඩායම් 7ක් තවදුරටත් මෙහෙයුම් සිදුකරයි.