විද්‍යාවට පිටුපාන නායකයෙකුට රටක් ගොඩ ගත නොහැකි ය – නිශාන්ත කමලදාස
“නැවත නැවතත් කිව යුත්තේ විද්‍යාවට පිටු පෑ කිසිදු නායකයෙකු රටක් ඉදිරියට නොගෙන ගිය බව ය. වල පල්ලටම දැක්කූ බව ය”. ඉහත දැක්වෙන්නේ මා මුහුණු පොතේ පල කල වැකියකි. මේ ගැන වඩා විස්තර සහිත පැහැදිලි කිරීමක් අවශ්‍ය බවට එයට ප්‍රතිචාරයක් වශයෙන් මගේ මිතුරෙකු ලීවේ ය.
මෙහි ඇත්ත නැත්ත බැලිය හැක්කේ ලෝකයේ රාජ්‍ය නායකයන්ගේ හැසිරීමත් ඒ රටවල දියුණුවත් අතර සම්බන්ධයක් ඇති දැයි සොයා බැලීම හරහා ය. අපි අපේ රට ගෙන බලමු. පාලනය ගෙන ගිය බොහෝ අය විද්‍යාවට පිටු පා මිත්‍යාව වැළඳ ගත් අය ය. මෑතක ම උදාහරණය වත්මන් පාලනය ය.
එන්නත් ගෙන්වීමට කඩිනම් පියවර ගන්නවා වෙනුවට අපේ පාලකයන් කළේ බාස් උන්නැහේ කෙනෙකු හැදූ පැණියක් ප්‍රමෝට් කරන්නට ඉදිරිපත් වුන එක ය. මුට්ටි ගඟේ දැමීමට ද පිරිත් සජ්ජායනා කිරීමට ද පිරිත් පැනි රට පුරා ඉහීමට ද කටයුතු කරන එක ය. මේ වන විට ඉන්න තැන පවා සොයා ගන්නට නොහැකි ඒලියන්ත වයිට් නම් රාජකීය වෛද්‍යවරයාගේ විශ්වකර්ම බෙහෙත් ගැන විශ්වාස කරමින් කල් ගත කිරීම ය. අපි අද එහි ප්‍රතිඵල භුක්ති විඳිමින් ඉන්නෙමු.
එන්නත් ගෙන්වීමට කඩිනම් පියවර ගන්නවා වෙනුවට අපේ පාලකයන් කළේ බාස් උන්නැහේ කෙනෙකු හැදූ පැණියක් ප්‍රමෝට් කරන්නට ඉදිරිපත් වුන එක ය. මුට්ටි ගඟේ දැමීමට ද පිරිත් සජ්ජායනා කිරීමට ද පිරිත් පැනි රට පුරා ඉහීමට ද කටයුතු කරන එක ය. මේ වන විට ඉන්න තැන පවා සොයා ගන්නට නොහැකි ඒලියන්ත වයිට් නම් රාජකීය වෛද්‍යවරයාගේ විශ්වකර්ම බෙහෙත් ගැන විශ්වාස කරමින් කල් ගත කිරීම ය. අපි අද එහි ප්‍රතිඵල භුක්ති විඳිමින් ඉන්නෙමු.
පසු ගිය ජනාධිපතිවරණයෙන් බයිඩන් බලයට පත් වීමට පෙර ඇමරිකාවට හිටියේ ද විද්‍යාවට පිටු පා මිත්‍යාව වැළඳ ගත් ජනාධිපති වරයෙකි. ඒ ට්‍රම්ප් ය. ඔහු වෛද්‍ය උපදෙස් මායිම් නොකළා පමණක් නොව තමන් නිශ්පාදනය කළ බොරු ද වෛද්‍ය උපදෙස් වලට පිටු පා ජනගත කරන්නට උත්සහ කළේ ය. සිදු වූයේ පස්ස බිම ඇන ගැනීම ය. බයිඩන් පැමිණිමත් සමග තත්වය මුළුමණින් ම ආපස්සට හැරුණේ ය. මේ වන විට ඇමරිකාව කොරෝනාව ජය ගනිමින් තිබෙන්නේ ය. ඒ ජනගහණයෙන් වැඩි පිරිසකට එන්නත් ලබා දීම හරහා ය. එසේ වුව ද තවමත් මිත්‍යාව අදහන්නන් පිරිසක් එන්නත ලබා ගැනීම ප්‍රතික්ෂේප කරමින් සිටිති. ඒ වැඩි දෙනා ට්‍රම්ප්ගේ ගෝලයන් ය.
ඉන්දියාවේ මෝඩි මිලියන ගණනාවක් ජනතාව එක තැනකට රොක් වන ආගමික උත්සවයකට වෛද්‍ය උපදෙස් නොතකා අනුමැතිය දුන්නේ ය. ඉන්දියාව ඇන ගත්තේ එයින් පසු ය.
නයිජීරියාවේ ලෝක වෙදෙක් සිටින්නේ ය. ඔහු සතුව එක ම එක බෙහෙතක් තිබේ. එය කෝකටත් තෛලයකි. එයින් දියවැඩියාව ද හෘද රෝග ද තුවාල ද හොඳ වේ. එය බොන්නට ද ඇඟේ ගාන්නට ද පුළුවන. ඔහුට සහතික සපයන්නේ එරට සිටි හා සිටින රාජ්‍ය පාලකයන් ය. දුප්පත් මිනිසුන් තමන් උපයන තුට්ටු දෙක ඔහුට පුදා මේ අරුම පුදුම බෙහෙත රැගෙන යන්නේ අප පැණි අරන් ආ ආකාරයට දිගු පෝලිම් වල ඉඳලා ය. නයිජීරියාව දිගින් දිගට දුප්පත් කමේ පතුලට ම රැගෙන විත් තිබෙන්නේ මේ ජරා පාලකයන් ය. මේ දියත තුළ ඒ හොර වෙදාට කළ නොහැකි කිසිවක් නැති බව කියන ඔහුගේ වෙබ් අඩවියට පිවිසීමෙන් ඒ ගැන වැඩි විස්තර දැන ගත හැකි ය. Sheik Bismillah Islamic Nigerian Herbal Healer – Culture – Nigeria (nairaland.com) මේ ඒ වගේ ම ඒ රටේ තව එක් කෙනෙි. Controversy surrounds Nigerian ‘healer’ (iol.co.za). පාලකයන් මිත්‍යාව වැළඳ ගන්නා විට මෙවැනි හොර වෙදුන් පහල වන්නේ පඳුරු ලන ආකාරයට ය. පොකුරට ය.
තම රටවලට දියුණුව සලසන නායකයින් මිත්‍යා මත පදනම් ව ආර්ථික ප්‍රතිපත්ති ගොඩ නගන්නේ නැත. ඔවුන් වකුගඩු රෝගවලට හේතු කාරක සොයන්නට කවුරුන් හෝ දැක්කා යැයි කියන සිහින විමසන්නට යන්නේ නැත. දෙවියන් සිහිනයෙන් ඇවිත් කාට හෝ කියන යමක් විශ්වාසයට ගෙන මිනිසුන් බඩ ගින්නේ තබන, ගොවියන් අනාථ කරන, කෘෂිකර්ම ප්‍රතිපත්ති ගොඩ නගන්නේ ද නැත.
තම රටවලට දියුණුව සලසන නායකයින් මිත්‍යා මත පදනම් ව ආර්ථික ප්‍රතිපත්ති ගොඩ නගන්නේ නැත. ඔවුන් වකුගඩු රෝගවලට හේතු කාරක සොයන්නට කවුරුන් හෝ දැක්කා යැයි කියන සිහින විමසන්නට යන්නේ නැත. දෙවියන් සිහිනයෙන් ඇවිත් කාට හෝ කියන යමක් විශ්වාසයට ගෙන මිනිසුන් බඩ ගින්නේ තබන, ගොවියන් අනාථ කරන, කෘෂිකර්ම ප්‍රතිපත්ති ගොඩ නගන්නේ ද නැත.
දියුණු බොහෝ රටවල නිරාගමික පිරිස වැඩි ය. ලෝක සිතියමේ දියුණු රටවල් හා නිරාගමිකයන් වැඩි රටවල් සමපාත වෙන බව බලන කෙනෙකුට පැහැදිලි වන්නේ ය.
ඒ නිසා මුහුණු පොතේ දැක් වූ වැකිය තවදුරටත් විකාශනය කළ යුතු ය. ඒ ජනතාව ද අසු වන ආකාරයට ය. විද්‍යාවට පිටු පාන නායකයන්ට පමණක් නොව එසේ කරන ජනතාවකට ද රටක් ගෙන ගිය හැක්කේ වල පල්ලට පමණක් බව කියමින් ය.
දියුණු රටවල, ඒවායේ නායකයන් පමණක් නොව ජනතාව ද පසු ගාමී “ආගමික” අදහස් වල එල්බ ගෙන නැත. ඔවුන්ගේ දියුණුවේ රහස එතැන ය. එයින් අදහස් කරන්නේ ඔවුන් නිරාගමික බව ම නොවේ. ආගම හා රාජ්‍ය පාලනය දෙකක් ලෙස සළකා කටයුතු කරන බව ය. රාජ්‍ය පාලනය සඳහා විද්‍යාවේ උපදෙස් ලබන බව ය. විද්‍යාව ම ගුරු කොට ගන්නා බව ය. ඒ ගැන ඒ රටවල ආගම් අදහන මිනිසුන් පවා එකඟ බව ය. ඒ ආගම ලෝකෝත්තර කරුණු වලට සීමා කොට ලෞකික ජීවිතය විද්‍යාව හරහා කර ගන්නට තරමට ඔවුන් බුද්ධිමත් නිසා ය.
දියුණු රටවල, ඒවායේ නායකයන් පමණක් නොව ජනතාව ද පසු ගාමී “ආගමික” අදහස් වල එල්බ ගෙන නැත. ඔවුන්ගේ දියුණුවේ රහස එතැන ය.
ඒවායේ වෙසෙන නායකයින් මැතිවරණ තබන්නේ තමන්ට හොඳ නැකත් බලා නොවේ. ජනතාව පවා වැඩ කරන්නේ නැකතට නොවේ. රාහු කාලය මග හැර නොවේ. බොරු සාස්තර කරුවන්ගේ උපදෙස් ලබා ගෙන නොවේ. කිසිදු පදනමක් නැතිව නිපදවන ඊනියා බෙහෙත් පසු පස ගොස් නොවේ. හූනන් කෑ ගහන, කපුටන් කාක් කියන, පූසන් ගමන් කරන විදි බලා නොවේ. ඔවුන් තීරණ ගන්නේ නාගරාජයන් විසින්, නාග ලෝකයෙන්, වඩම්මනවා යැයි කියන ධාතුන් වහන්සේලාගේ පණිවුඩ අසා නොවේ. ඔවුන්ට එවැනි ම බුද්ධියක් සහිත නායකයන් සමග එක් ව, රටවල් ඉදිරියට ගෙන ගිය හැක්කේ ඒ නිසා ය.
නිශාන්ත කමලදාස
