මද්රසා පාසල්වලටත් අනෙක් පාසල් මෙන්ම ඉගැන්වීමේ නිදහස තිබිය යුතුයි. රජයේ ප්රතිපත්තිය එයයි – GL
හැබැයි ඒ අධ්යාපනය ලබාදීමේදී මේ රටේ ආණ්ඩුක්රම ව්යවස්ථාවට අපේ නීති පද්ධතියට ගරු කරමින් ඒවා උල්ලංඝනය නොකරමින් තමයි ඒ අධ්යාපන කටයුතු සලසා දෙන්න ඕනෙ. ඒ සම්බන්ධයෙන් යම්කිසි නියාමනයක් අධීක්ෂණයක් කරනවා රජය වෙනුවෙන් අධ්යාපන අමාත්යාංශය. ඒක පොදුවේ. අහවල් ඉස්කෝලෙට අහවල් ඉස්කෝලෙට කියලා වර්ගයකට නෙවෙයි, අපි සියලුම පාසල් සම්බන්ධයෙන් අනුගමනය කරන ප්රතිපත්තිය එයයි” යනුවෙනුයි ඒ මහතා සඳහන් කළේ.
අමාත්ය ජී. එල්. පීරිස් මහතා මේ බව පැවසුවේ ඊයේ (20) පාර්ලිමේන්තුවේදී වාචික ප්රශ්නයකට පිළිතුරු ලබාදෙමිනි.
එසේම මෙම මද්රසා පාසල් සඳහා රජය අනුමත කර ඇති විෂය නිර්දේශයෙහි කිසිදු අන්තවාදී කරුණක් අඩංගු නොවන බව සහතික කළ ඒ මහතා මෙම පාසල්වල ඉගැන්වීම සඳහා විදෙස් රටවලින් පැමිණෙන දේශකයින් සම්බන්ධයෙන් බුද්ධි අංශ යොදවා තොරතුරු සොයාබලන බවන බවත් ප්රකාශ කළේය.
මෙහිදී ශ්රී ලංකා පොදුජන පෙරමුණ පසුගිය වසරේදී, විශේෂයෙන් පාස්කු ප්රහාරයෙන් පසුව මෙම මද්රසා පාසල් සම්බන්ධයෙන් දැක්වූ දැඩි විරෝධය සිහිපත් කළ කාවින්ද ජයවර්ධන මහතා, තමන් මෙම ප්රශ්නය මතු කළේ ඒ පිළිබඳ පැහැදිලි කරගැනීමට බවත් සෘජු පිළිතුරක් ලබාදීම පිළිබඳව අමාත්යවරයාට ස්තූතිවන්ත වන බවත් ප්රකාශ කළේය.
LANKANEWSWEB