හිටපු ජනපති මෛත්රී ප්රතිප්රහාරයකට සැරසෙයි. 20 වැනි සංශෝධනයට ඡන්දය නොදෙන ලකුණු !
2019 ජනාධිපතිවරණයට පෙර පොහොට්ටු පක්ෂය ශ්රී ලංකා නිදහස් පක්ෂය සමඟ ඇතිකරගත් සියලුම එකඟතා මේ වනවිට කඩකර තිබීම මෙන්ම පුද්ගලිකව තමන්ට දිගින් දිගටම ආණ්ඩු පක්ෂයෙන් එල්ල වන ප්රහාර පිළිබඳව ද සලකා බලා ඒ මහතා මේ තීරණයට එළඹීමට සූදානම් වන බවයි ආරංචිමාර්ග පැවසුවේ.
පාස්කු ප්රහාරය පිළිබඳ සොයාබලන කොමිසම හමුවට තමන්ව දිගින් දිගටම කැඳවා ප්රශ්න කිරීම, නිල නිවාස තුනක් එක් කර තැනූ තම නිලනිවසෙන් කොටසක් ආපහු රජයට පවරාගැනීම සඳහා කැබිනට් පත්රිකාවක් ඉදිරිපත් කිරීම, තමන්ගේ ආරක්ෂාව සඳහා සිටි පොලිස් විශේෂ කාර්ය බලකායේ සෙබළුන් 100න් 94ක්ම සහ පොලිස් නිලධාරීන් 100න් 46ක්ම ඉවත් කිරීමට රජය ක්රියා කිරීම යන කරුණු ඒ මහතාට ඉතාම තදින් බලපා ඇති බවත් වාර්තා විය.
20 වැනි සංශෝධනය සම්මත කරගැනීම සඳහා පාර්ලිමේන්තු මන්ත්රීවරුන් 150 දෙනෙකුගේ ඡන්දය ආණ්ඩුවට අවශ්ය වී ඇති අතර දැනට ඔවුන්ට සිටින්නේ 149 දෙනෙකු පමණි. ඒ අතරිනුත් 15 දෙනෙකුම මෛත්රීපාල සිරිසේන මහතාගේ නායකත්වයෙන් යුත් ශ්රී ලංකා නිදහස් පක්ෂයේ මන්ත්රීවරුන් ය.
RN
LANKANEWSWEB