ආරුමුගම් වෙනුවට ජීවන් තොන්ඩමන්
අභාවප්‍රාප්ත ආරුමුගම් තොන්ඩමන් මහතාගෙන් හිස් වූ ලංකා කම්කරු කොන්ග්‍රස් නායකත්වයට ඔහුගේ පුත් ජීවන් තොන්ඩමන් මහතා පත්කර ගැනීමට එම පක්ෂය තීරණය කොට ඇත.
එමෙන් ම ආරුමුගම් තොන්ඩමන් මහතාගෙන් හිස් වූ ශ්‍රී ලංකා නිදහස් පොදුජන සන්ධානයේ නුවරඑලිය දිස්ත්‍රික් අපේක්ෂකත්වය ද ජීවන් තොන්ඩමන් මහතාට ලබාදීමට තීරණය කොට තිබේ .
විසි හයවැනි වියේ පසුවන ජීවන් තොන්ඩමන් මහතා මේ වනවිට ලංකා කම්කරු කොන්ග්‍රස් තරුණ පෙරමුණේ නායකයා ලෙස ක්‍රියා කරයි.
ලංකා කම්කරු කොන්ග්‍රස් දේශපාලන මණ්ඩලය ඊයේ රැස් වී මෙම තීරණ ගෙන ඇත.