අපරාධ පරීක්ෂණ දෙපාර්තමේන්තුව විසින් අත්අඩංගුවට ගත් හිටපු අමාත්‍ය රාජිත සේනාරත්න මහතා ලබන 30 වැනිදා තෙක් රක්ෂිත බන්ධනාගාරගත කරන ලෙස කොළඹ අතිරේක මහේස්ත්‍රාත් ශලිනි පෙරේරා මහත්මිය අද (27) නියෝග කළාය.

මහේස්ත්‍රාත්වරිය සැකකරු නිරික්ෂණය කිරිමෙන් පසුව මෙම නියෝගය නිකුත් කරනු ලැබු අතර සැකකරු බන්ධනාගාර බාරයේ තබා ගැනීමට බන්ධනාගාර අධිකාරිවරයාට නියෝග කළාය.

කොළඹ පෞද්ගලික රෝහලක ප්‍රතිකාර ලබමින් සිටි හිටපු අමාත්‍ය රාජිත සේනාරත්න මහතා අද (27) පස්වරු 2.15 පමණ අපරාධ පරීක්ෂණ දෙපාර්තමේන්තුව විසින් අත්අඩංගුවට ගනු ලැබිය.

සුදුවෑන් මාධ්‍ය සාකච්ඡාවට අදාළ මහේස්ත්‍රාත් පරික්ෂණය සම්බන්ධයෙන් ඉකුත් 24 වැනිදා වරෙන්තු ලැබ සිටි සේනාරත්න මහතා ඊයේ (26) රාත්‍රී 7.35 ට ඇති වූ හදිසි රෝගී තත්වයක් හේතුවෙන් රෝහල් ගත කර තිබිණි.

(නිමන්ති රණසිංහ)

ලංකාදීප